વાપી-સેલવાસ રોડ સુપર સ્ટ્રક્ચર ગર્ડર સેગમેન્ટની કામગીરીના કારણે તા.૯ જૂન સુધી બંધ રહેશે વાપી-સેલવાસ રોડને સમાંતર ડાયવર્ઝન રૂટ મારફતે વાહનવ્યવહાર કરી શકાશે.

By VALSAD EXPRESS Tuesday, February 25, 2025 0 0

માહિતી બ્યુરોઃ વલસાડ તા. ૨૪ ફેબ્રુઆરી

વલસાડ જિલ્લાના વાપી – સેલવાસ રોડ પાસેના ક્રોસીંગ બ્રીજ 663ના સુપર સ્ટ્રકચર ગર્ડર સેગમેન્ટની કામગીરી માટે વાપી-સેલવાસ રોડને હંગામી ધોરણે બંધ કરી તા. ૦૯-૦૬-૨૦૨૫ સુધી આ માર્ગ તમામ વાહનોના અવરજવર માટે બંધ કરવા માટે અધિક જિલ્લા મેજિસ્ટ્રેટ વલસાડ એ. આર. જ્હાએ ગુજરાત પોલીસ અધિનિયમ – ૧૯૫૧(૨૨માં) કલમ -૩૩(૧)(બી)થી મળેલી સત્તાની રૂએ જાહેરનામું બહાર પાડ્યું છે.

. ફાઈલ તસવીર

આ સમય દરમિયાન વાપી-સેલવાસ વર્તમાન રોડની સમાંતર તૈયાર કરવામાં આવેલા ડાયવર્ઝન રૂટનો વાહન વ્યવહાર માટે ઉપયોગ કરી શકાશે. આ જાહેરનામાનો ભંગ અથવા ઉલ્લંઘન કરનાર ગુજરાત પોલીસ અધિનિયમ -૧૯૫૧ની કલમ -૧૩૧ મુજબ શિક્ષાને પાત્ર ગણાશે તેમજ વલસાડ જિલ્લામાં ફરજ બજાવતા પોલીસ સબ ઈન્સ્પેક્ટરથી નાયબ પોલીસ અધિક્ષક સુધીનો હોદ્દો ધરાવતા તમામ પોલીસ અધિકારીઓ ફરિયાદ માંડવા અધિકૃત કરવામાં આવ્યા છે.