News
વલસાડ જિલ્લામાં દ્વિચક્રી GJ-15- DP સીરીઝમાં પસંદગીનો નંબર મેળવો
માહિતી બ્યૂરોઃ વલસાડ તા.૧૪: વલસાડ જિલ્લામાં મોટરિંગ પબ્લિકની સગવડતાના હેતુસર દ્વિચક્રી વાહનની GJ-15- DP સીરિઝમાં પસંદગીના નંબર માટે ઓનલાઇન હરાજી કરાશે.ઉક્ત હરાજીમાં ભાગ લેવા માટેની ઇચ્છા ધરાવનાર અરજદારે તેમના વાહનોનું રજિસ્ટ્રેશન કરાવી http://parivahan.gov.in/fancy વેબસાઇટ ઉપર ઓનલાઇન રજિસ્ટ્રેશન કરી હરાજીમાં ભાગ લઇ શકશે.
ઉક્ત હરાજી માટેનું ફોર્મ તા.૨૮/૦૯/૨૦૨૧ થી ૨૯/૯/ ૨૦૨૧ દરમિયાન રજિસ્ટ્રેશન કરી અરજી કરવાની રહેશે. તા.૩૦/૦૯/૨૦૨૧ ના રોજ હરાજી માટેનું બીડિંગ થશે. તા.૦૧/૧૦/૨૦૨૧ના રોજ સવારે ૧૦-૩૦ કલાકે ઓપન થશે અને ત્યારબાદ અરજદારે પાંચ દિવસમાં તેમના ફોર્મ જમા કરાવવાના રહેશે. અરજદારે વાહન ખરીદ કર્યાની તારીખથી ૭ દિવસની અંદર સી.એન.એ. ફોર્મ ભરેલું હોવું જરૂરી છે. વેલીડ સી.એન.એ. ફોર્મ રજૂ નહીં કરનાર હરાજીમાં નિષ્ફળ જાહેર કરાશે. હરાજીની પ્રક્રિયા પૂર્ણ થયાના પાંચ દિવસમાં નાણાં જમા નહીં કરાવનાર અરજદારની મૂળ રકમ જપ્ત થશે અને જે તે નંબરની હરાજી ફરીથી કરાશે. ઓનલાઇન હરાજી દરમિયાન અરજદારે આર.બી.આઇ. દ્વારા નક્કી કરેલા ચાર્જ ચૂકવવાના રહેશે. વાહન સેલ લેટરમાં સેલ તારીખથી નિયમ મુજબના દિવસના અંદરના જ અરજદારો હરાજીમાં ભાગ લેવા અરજી કરી શકશે, સમયમર્યાદા બહારની અરજીઓ રદ કરવામાં આવશે, એમ પ્રાદેશિક વાહન વ્યવહાર અધિકારી, વલસાડ દ્વારા જણાવાયું છે.
Previous article
Next article
Leave Comments
Post a Comment